Në pushimin pas pjesës së parë të ndeshjes së dytë çerekfinale të Ligës së Kampionëve mes Real Madridit dhe Arsenalit, që përfundoi me eliminimin e Madridit, ka ndodhur një moment i tensionuar. Dani Carvajal është përballur me Bukayo Saka pranë tunelit, ku i ka pëshpëritur me tone të larta, i ka drejtuar gishtin, por edhe e ka kapur për qafe.
Carvajal, i cili nuk ishte pjesë e skuadrës për shkak të një dëmtimi të rëndë të pësuar kundër Villarrealit më 5 tetor të vitit të kaluar, u fut në një zonë të rezervuar zakonisht për stafin stërvitor dhe lojtarët e kualifikuar për të luajtur.
Si rezultat, mbrojtësi i djathtë spanjoll po përballet me një pezullim të mundshëm me katër ndeshje, sipas nenit 15 të rregullores disiplinore të UEFA-s.
Seksioni 15.a.viii thotë se një ndalim me një ndeshje mund të vendoset për “pjesëmarrje në një ndeshje kur nuk ka të drejtë”, me pezullimin e Xabi Alonsos në finalen e Ligës së Kampionëve 2014 që shërben si një shembull i njohur tashmë.
Për më tepër, Carvajal mund të përballet me ndëshkim të mëtejshëm sipas nenit 15.e, i cili parashikon një pezullim prej tre ndeshjesh për “sulmimin e një lojtari ose personi tjetër të përfshirë në ndeshje”.
Që UEFA të vendosë një sanksion të tillë, delegati i ndeshjes duhet të përfshijë incidentin në raportin zyrtar.
Duke pasur parasysh rrethanat, ka të ngjarë që Carvajal mund të përballet me një dënim të konsiderueshëm nëse incidenti dokumentohet zyrtarisht. /Telegrafi/