Prishtina ka shënuar fitore me rezultat 2-0 në shtëpi ndaj Dukagjinit në kuadër të javës së dhjetë në Albi Mall Superligën e Kosovës.
Fillimi i ndeshjes ishte i qetë me të dyja ekipet që po mbronin mirë hapësirat për të mos lejuar ndonjë kundërsulm eventual.
Vendasit pas 20 minutave lojë filluan të diktonin ritmin e ndeshjes dhe filluan të rrezikojnë portën e Dukagjinit, ku më pas erdhi edhe goli i epërsisë.
Për t’i dhënë avantazhin Prishtinës u përkujdes Hamdi Namani (33’) i cili realizoi për 1-0 pas asistimit nga Ramiz Bytyqi.
Nuk vonoi shumë dhe kryeqytetasit realizuan edhe golin e dytë këtë herë me anë të Marko Ilievskit (40’) që realizoi për 2-0.
Në pjesën e dytë të sfidës nuk pati më gola me Prishtinën që ia doli ta menaxhojë mirë epërsinë e krijuar në pjesën e parë.
Me këtë fitore Prishtina shkon në kuotën e 25 pikëve duke vazhduar si lidere e tabelës dhe tani ka gjashtë më shumë se Ballkani që gjendet në pozitën e dytë me 19 sosh, ndërsa Dukagjini tani zbret në pozitën e katërt dhe numëron 14 pikë
