15 Prill 2026
Një aksident i rëndë me fatalitet ka ndodhur në Istog, ku një person ka humbur jetën pasi është rrokullisur me traktor.
Viktima është Gjon Dodaj, nga Klina, i cili kishte shkuar në pyll për të marrë dru.
Sipas Policisë, rasti ka ndodhur rreth orës 11:20, kur Stacioni Policor në Klinë është njoftuar për incidentin në fshatin Polanë të Istogut.
“Sot rreth orës 11:20 Stacioni Policor në Klinë, është njoftuar se një person nga fshati Leskoc- Kline, kishte shkuar për dru me traktor në pyll në fshatin Polane- Istog. Viktima ishte rrokullisur me traktor, vdekjen e viktimës e ka konstatuar mjeku kujdestar në QMF në Klinë. Ne vendngjarje kanë dalë njësitet kompetente policore”, njoftoi Policia.
