Një aksident me pasoja tragjike ka ndodhur sot në orët e hershme të mëngjesit në rrugën Pejë–Prishtinë, në fshatin Zajm të Klinës. Sipas informacioneve zyrtare, në aksident janë përfshirë një kamion transportues, një kombi dhe një veturë.
Nga përplasja e rëndë kanë humbur jetën dy persona, ndërsa dy të tjerë kanë mbetur të lënduar dhe janë dërguar për trajtim mjekësor në Spitalin Rajonal të Pejës.
“Dy të lënduarit po trajtohen në Spitalin Rajonal të Pejës”, ka konfirmuar zyrtari policor Gashi.
Policia dhe njësitet përkatëse kanë dalë menjëherë në vendin e ngjarjes, ku po kryhen hetimet për zbardhjen e shkaqeve të aksidentit.
