Një person është arrestuar në fshatin Qupevë të Klinës, pasi në automjetin që ai po e drejtonte, policia ka gjetur gjashtë shtetas të huaj pa dokumente identifikimi.
Sipas njoftimit të Policisë së Kosovës, të huajt dyshohet se kanë hyrë ilegalisht në territorin e Kosovës nga Shqipëria dhe janë me origjinë nga Egjipti.
“Është arrestuar i dyshuari mashkull kosovar, pasi gjatë kontrollit të automjetit që ai po e drejtonte, janë gjetur gjashtë (6) shtetas të huaj pa dokumente personale, që dyshohet se e kishin kaluar kundërligjshëm kufirin nga Shqipëria në Kosovë, ndërsa ishin me origjinë nga Egjipti. Me vendim të prokurorit, i dyshuari pas intervistimit është dërguar në mbajtje, ndërsa shtetasit e huaj janë dërguar në Drejtorinë për Migrim dhe të Huaj për procedura të mëtejshme,” thuhet në raportin e policisë.
